Gazetarët nuk janë lejuar sot ta përcjellin mbledhjen e Komisionit Parlamentar për Buxhet dhe Financa duke sjellë dyshime se mos ndoshta do të ndodhin shkurtime për fondin e pensioneve të veteranëve.

Ky buxhet ishte kritikuar pasi pretendohej që fondet për Sigurimet Shëndetsorekishin kaluar për pensionet e veteranëve. Ndërkaq, deputeti që më herët kishte thënë këtë informacin Lumir Abdixhiku i shtoi sot dyshimet pas shkrimit se gjatë mbledhjes u rikthyen paratë për Sigurimet Shëndetësore.

“Në Komisionin të cilin e udhëheq, sapo i rikthyem 11 milonët e hequra nga Fondi i Sigurimeve në buxhetin e shëndetësisë për këtë vit. Këto para të rikthyera do të shërbejnë për barna falas ndaj pacientëve dhe shërim jashtë vendit – e rëndësishme për shumë jetë.” ka shkruar deputeti i LDK-së.

Ndërkaq pas kësaj albeu.com ka pyetur Lumir Abdixhikun nëse u prekën fondet për veteranët por ai ka bërë të ditur se nuk ka ndodhur një gjë e tillë.

Deputeti i LDK-së tha se fondet për Sigurimet Shëndetsore u morën nga paratë që ishin të destinuara për rrugën që po ndërtohet nga Bechtel Enka.

E tashmë vetëm pak ditë ndajnë që veteranët të marrin pensionet e tyre që u mungojnë 3 muaj./albeu.com/