Kryetari i LDK-së, Lumir Abdixhiku, ka reaguar pas vdekjes së politikanit të njohur kosovar, Alush Gashi, për të cilin tha se ishte “mik i vërtetë”, mentor dhe një nga njerëzit më të afërt në rrugëtimin e tij politik.
Abdixhiku tha se tek Gashi gjithmonë gjente qetësi, maturi dhe një mendim të peshuar, ndërsa theksoi se mosarritja për ta përshëndetur për herë të fundit i ka mbetur peng.
“Për mua ishte shumë më shumë se kaq. Ishte mentor. Ishte këshilltar. Ishte një prej njerëzve më të afërt që pata në këtë rrugëtim. Në këtë rrugëtim timin, rrallë kam takuar njerëz me aq maturi e aq mirësi. Në momentet më të vështira, tek ai gjeja gjithmonë qetësi. Një mendim të peshuar. Një fjalë që të kthjellonte. Një përkujdesje të heshtur, pa zhurmë, pa kërkuar asgjë”, ka shkruar Abidixhiku.
