Haki Abazi, ish-zëvendëskryeministër i Kosovës ka folur në lidhje me dosjen “Epstein”, duke thënë se nuk beson që qëllimi i tij ka qenë krijimi i një rendi të ri botëror.

Ai u shpreh se qëllimi i Epstein ka qenë mbajtja peng e njerëzve me influence, siç tha ai, për interesa e shërbime të ndryshme.

“Nuk e besoj që qëllimi i tij ka qenë krijimi i një rendi të ri botëror, unë mendoj që qëllimi i tij ka qenë mbajtja peng e njerëzve me influencë, për interesa dhe shërbime të ndryshme”, u shpreh ai.

“Ai ka mundur të jetë në shërbim të tri-katër shërbimeve intelegjente të botës, ku ka shitur material dhe informata për shantazhimin e njerëzve të cilët me apo pa vetëdije kanë rënë në kurthin e tij”.

“Por, nuk mendoj që kjo, hapja në këtë moment mundem me e relativizu dëmin apo impaktin që e ka në seriozitetin e këtyre njerëzve në veprime që kanë, si pozita”, tha gjithashtu ai sonte në emisionin “DPT te Fidani”.