Ramush Haradinaj e Fatmir Limaj daljen nga kriza politike në vend e shohin vetëm me shkuarjen në zgjedhje të reja.

AAK dhe Nisma për Kosovë, si partnere të koalicionit kanë thënë se Qeveria e Kosovës duhet të heq dorë nga këmbëngulja, për “kontrabandimin e dy marrëveshjeve”, transmeton Koha.net. Ata janë shprehur të gatshëm të ulen për caktimin e datës së zgjedhjeve.

“Ne si partnere të koalicionit dëshirojmë t’i kërkojmë qeverisë që të heq dorë nga tentimi dhe këmbëngulja e tyre për tu kontrabanduar dy marrëveshjet e dëmshme. Është koha që përfundimisht ta kuptojnë se na duhet stabilititeti. Aak dhe nisma kërkoj ë që të ulen bashkë të gjithë e të caktojnë datën e zgjedhjeve, kjo do të shpejtonte liberalizmin e vizave”, ka thënë Limaj para gazetarëve.

Kurse i pari Aleancës për Ardhmërinë e Kosovës, Ramush Haradinaj ka thënë se zgjedhjet janë e vetmja zgjidhje për daljen nga kjo gjendje dhe se nëse marrëveshjet tentojnë të “kontrabandohen”, do të thellohej kriza.

“Kemi humbë shumë kohë në Kosovë. Kërkojmë që të mos vazhdohet me këtë logjikë. Zgjedhjet do të ishin dalja nga kjo gjendje. E kemi dronë dhe jemi të shqetësuar se nëse shkohet përmes kontrabandimit të këtyre dy marrëveshjeve kjo vetëm do ta thellonte krizën në vend”, është shprehur Haradina, duke shtuar se situata është shumë serioze dhe se nuk është e rëndësishme a kthehet apo jo, ndonjëri nga opozitarët në Kuvend.