Kurrë nuk do të nënshkruaj që Liqeni i Gazivodës dhe largpërçuesit e tensionit të lartë t’i takojnë Kosovës, ka thënë kryeministri serb Aleksandar Vuçiq.
Ai ka theksuar “derisa të jetë gjallë” kurrë nuk do të nënshkruajë, kur bëhet fjalë energjetikën, që liqeni i Gazivodës ose largpërçuesit e tensionit të lartë të jenë pasuri e Kosovës, sepse, ka shtuar, e ka zgjedhur populli i Serbisë dhe se për këtë nuk do të mashtrohet dot nga ambasadat e huaja.
Në bisedimet me Prishtinën të martën në Bruksel me përfaqësuesen e lartë të Bashkimit Evropian Federica Mogherini, është arritur marrëveshja që asnjë fjalë e këtyre marrëveshjeve të mos dalë në opinion dhe këtë pala serbe e ka respektuar, përcjell Koha.net fjalët e kryeministrit serb Aleksandar Vuçiq që i ka thënë për mediet e Beogradit.
Nga mediet serbe nuk është paraqitur asnjë informacion për to, ka shtuar ai.
Takimi Prishtinë – Beograd është mbajtur të martën në Bruksel, ndërsa pasuesi pritet të zhvillohet të hënën, më 29 qershor po në Bruksel.
/express/
