Kryeministri Isa Mustafa ka thënë për RTK-në se rekomandimet e ardhura nga Bashkimi Evropian kanë sjellë edhe shtyrjen nga Kuvendi të seancës për votimin e Gjykatës Speciale.
Sipas tij, rekomandimet kanë ardhur të enjten në mbrëmje dhe këto draftligje duhet të përkthehen, gjë që merr shumë kohë.
Sipas kryeministrit këto rekomandime kanë ardhur nga përfaqësuesja e lartë e Bashkimit Evropian, Federica Mogherini.
Mustafa mohon se koalicioni ka krizë votash dhe ka paralajmëruar se javën që vjen do të ketë takim me shefat e të gjitha grupeve parlamentare.
Me këtë arsyetim sot paradite edhe Adem Grabovci shefi i GP të PDK kërkoi shtyerjen e votimit gjë kjo e cila u aprovua nga shumica në Kuvend. Ende mbetet e paqartë kur do të mbahet mbledhja e ardhshme e Kuvendit derisa në Prishtinë flitet për presione masive të ndërkombëtarëve ndaj Qeverisë së Kosovës për aprovimin e Gjykatës Speciale. /Gazeta Blic/
