Lideri i BDI-së në një intervistë me gazetën gjermane “tagecajtung” dhe atë austriake “DiePrese” ka folur për situatën politike në Maqedoni dhe përplasjen e policisë maqedonase me një grup të armatosur të shqiptarëve në Kumanovë, transmeton TetovaSot.
Në intervisten për gazetën gjermane, Ali Ahmeti, ka pohuar se në krizën politike, dalja e BDI-së nga qeveria nuk është temë dhe se vetëm hetimi mund të përcaktojë se çfarë ka ndodhur në Kumanovë.
Në pyetjen e gazetës gjermane, si një parti e rëndësishme shqiptare, BDI ka një funksion të rëndësishëm dhe me daljen nga qeveria mund të shkaktojë edhe rënien e saj, në një kohë kur shumë njerëz, duke përfshirë edhe Shqiptarët, kërkojnë diçka të ndërmerret, Ali Ahmeti përgjigjet:
“Nëse ne kishim dal menjëherë nga qeveria, ajo vetëm se do të përkeqësojë krizën. Dhe ne nuk duam atë. Partia jonë synon që përmes një dialogu në mes të partive kryesore politike në vend për të kapërcyer krizën politike … Ne jemi për bisedime. Ky dialog duhet të përfshijë pikat me të rrezikshme si liria e medias dhe reformën e gjyqësorit. BDI qëndron në mënyrë të vendosur në qëllimin e integrimit euro-atlantik, dhe ne presim që Brukseli dhe Uashingtoni për të na mbështetur në dialog”, tha Ahmeti.
