Pasi që konsumimi i duhanit është shprehi e keqe, e cila në masë të madhe e dëmton shëndetin jo vetëm të duhanpirësit por edhe të njerëzve përreth, e kuptuan shumë yje të shoubizit, ndonëse disa me vonesë, dhe vendosën të heqin dorë nga ai. Këta në fillim patën shumë vështirësi, por siç pohojnë vetë kur të mundohesh edhe e arrin qëllimin. Por, kush i nxiti, kush ishin shkaktarët që ta bëjnë këtë dhe si e arritën, do ta mësojmë në vazhdim.
Aktorja e njohur, Catherine Zeta Jones, njëherësh bashkëshortja e aktorit Michael Douglas, tha se fëmijët luajtën rolin kryesor që ajo të heqë dorë nga duhani. “Më është dashur ta lë atë pasi që fëmijët arritën në atë moshë sa filluan të bënin vazhdimisht pyetje për të”, deklaroi aktorja. “Në fillim pata shumë vështirësi se më mungonte, por nëse ke vullnet dhe mundohesh mund të arrish çdo gjë”, tha kjo bukuroshe.
Aktori dhe regjisori, Ben Affleck, deklaroi në një rast se duhanin e la me ndihmën e terapisë së hipnozës, e cila i ndihmoi që ta mposhtë dëshirën për cigare. “Falë terapisë së hipnozës unë e lashë duhanin dhe për këtë jam krenar”, tha Affleck.
Aktorja, Kelly Ripa, e cila është njohur para së gjithash falë serisë “Hope and Faith” tha se nuk kishte pirë duhan vazhdimisht, vetëm kur dilte me miqtë, dhe kurrë nuk e konsumonte në shtëpi para fëmijëve kështu që nuk e kishte vështirë të heqë dorë nga ai. “Pasi që nuk kisha pirë vazhdimisht cigare, besoj që e pata më të lehtë se të tjerët ta lë duhanin, ndonëse edhe unë pata vështirësi”, tha Ripa.
Vetëm një java para se Ben Affleck ta linte duhanin këtë gjë e bëri edhe miku i tij nga shkolla, Matt Damon, i cili po ashtu shkoi në hipnozë. “Kisha përdorur mënyra të ndryshme të hiqja dorë nga kjo shprehi e keqe por vetëm falë hipnozës ia arrita”, tha Damon.amon
