Të hënën ka filluar intervistimi i anëtarëve në qendrën e Numërimit dhe Rezultateve, respektivisht për qendrën Komunale në Drenas, ka njoftuar Prokuroria Themelore në Prishtinë.

Këto veprime, sipas Prokurorisë, po ndërmerren lidhur me dyshimet për keqpërdorime gjatë procesit të numërimit të votave të kandidateve të subjekteve politike.

“Prokuroria Themelore në Prishtinë, në koordinim me Policinë e Kosovës, do t’i ndërmarrë të gjitha veprimet e nevojshme ligjore dhe hetimore me qëllim të zbardhjes së plotë të të gjitha rrethanave që lidhen me rasti. Prokuroria Themelore në Prishtinë do ta mbajë të informuar opinionin publik lidhur me të gjitha zhvillimet e mëtejshme në këtë proces”, thuhet në njoftim.