Futbollisti brazilian, Hulk, është martuar me Camila Angelo, mbesën e ish-gruas së tij, gjatë një ceremonie të madhe në Brazil. Futbollisti 38-vjeçar, i cili luan për Atlético Mineiro, bëri këtë hap pasi çifti u martua për herë të parë në një ceremoni civile.

Ceremonia u zhvillua në qytetin e lindjes së Hulk, Campina Grand.

Interesant është fakti se Hulk ishte martuar më parë me tezen e Camilës, Iran Angelo, për 12 vjet. Kjo martesë përfundoi në vitin 2019 dhe çifti ka tre fëmijë.

Raportet për marrëdhënien midis Hulk dhe Camila u shfaqën në dhjetor 2019, vetëm pesë muaj pasi martesa e tij me Iranin përfundoi. Besohet se Hulk i tregoi familjes së tij për marrëdhënien e tij me Camila në atë kohë – përfshirë fëmijët e tij Ian, Tiago dhe Alice.

Çifti u martua në një ceremoni civile në shtator të vitit 2020, kur Hulk ende luante për skuadrën kineze Shanghai SIPG.

Jo të gjithë duket se e pranojnë këtë lidhje, pasi një nga motrat e Iranit, Rayssa, e kritikoi ashpër Camilën në rrjetet sociale në fillim të kësaj jave.

Rayssa shkroi: “Sot është një ditë e vështirë për t’u gëlltitur, një ditë që zbulon se sa larg mund të shkojë tradhtia kur vjen nga njerëzit që më pak i presim. Nëse nëna ime do të ishte gjallë, jam e sigurt se ajo nuk do të ishte në gjendje të duronte një përbindësh të tillë. Të shihje një mbesë, e cila u rrit nën çatinë e saj, të tradhtonte familjen e saj në një mënyrë kaq mizore do të ishte një goditje e pamundur për t’u kapërcyer”.