Njësiti i Hetimeve të Kryeqytetit, me autorizim të prokurorisë kompetente, ka kërkuar bashkëpunimin e qytetarëve për identifikimin e një personi të dyshuar, fotografitë e të cilit janë bërë publike nga policia.

Sipas njoftimit, personi në fjalë dyshohet për përfshirje në veprën penale “Vjedhje”.

Policia u bën thirrje qytetarëve që posedojnë çfarëdo informacioni që mund të ndihmojë në identifikimin e tij, të kontaktojnë në numrin 192 ose përmes emailit: [email protected].

Autoritetet theksojnë se çdo informatë e konfirmuar do të trajtohet me konfidencialitet të plotë.