Organizata e Veteranëve të Luftës së UÇK’së ka njoftuar se gjatë protestës së sotme në Strasburg të Francës i kanë dërguar 285 letra secilit anëtar të Asamblesë së Këshillit të Evropës për “shqetësimet lidhur me procesin në Gjykatën Speciale”.

“Protesta e radhës kundër padrejtësisë u mbajt sot në Strasburg të Francës. Gjatë kësaj proteste, u dorëzuan edhe 285 letra në emër të secilit anëtar të Asamblesë së Këshillit të Evropës, me shqetësimet tona lidhur me procesin në Gjykatën Speciale. OVL UÇK vazhdon angazhimin e saj për drejtësi dhe respektim të të drejtave të luftëtarëve të lirisë.”