Takimi midis presidentit të SHBA-së Donald Trump dhe atij rus Vladimir Putin, së bashku me delegacionet e tyre, ka vazhduar për më shumë se një orë, duke tejkaluar pritjet fillestare.

Kjo kohëzgjatje e takimit është veçanërisht interesante në dritën e deklaratave të mëparshme të Trump, shkruan CNN.

Në fakt, Trump tha më parë këtë javë se do t’i duheshin vetëm disa minuta për të vlerësuar nëse Putin ishte vërtet i interesuar për arritjen e paqes.

Ai gjithashtu theksoi se ishte gati të largohej nga takimi nëse ai shkonte në drejtimin e gabuar.