Një vajzë që reagoi në mënyrë dramatike ndaj një insekti mund të ketë shkaktuar rrëmujën që ndodhi në një stacion metroje në Atlanta ndërsa turmat po largoheshin nga koncerti i Beyonce.
Nëntë persona u plagosën në një shkallë lëvizëse në Stacionin Vine City, ndërsa ishte plot me fansa të BeyHive që po largoheshin nga koncerti i Cowboy Carter në stadiumin Mercedes-Benz në qendër të Atlanta herët të martën në mëngjes, tha Autoriteti i Transportit të Shpejtë Metropolitan i Atlantës.
Një person pësoi një thyerje të kyçit të këmbës dhe shtatë të tjerë u transportuan në spital me prerje dhe gërvishtje. Një person refuzoi transportin spitalor, thanë zyrtarët.
Policia tha se dëgjoi një britmë dhe një dëshmitar raportoi se “personi që bërtiti po reagonte ndaj një insekti, tha të premten Stephany Fisher, drejtoreshë e lartë e Komunikimit e MARTA-s.
“Unë besoj se ka edhe një video në TikTok të një gruaje që pretendon se ishte një e afërme 10-vjeçare që bërtiti kur pa një insekt. Videoja nga stacioni hekurudhor tregon qartë njerëzit duke reaguar dhe duke vrapuar, por nuk mund të shihni kush bërtiti ose ndaj çfarë po reagonin,” tha Fisher.
Shefi i policisë së MARTA-s, Scott Kreher, tha gjithashtu se kaosi u shkaktua nga një vajzë që pa një insekt.
Në këtë përvojë të hidhur, njerëzit filluan të bërtisnin dhe një rrëmujë u zhvillua në shkallët lëvizëse, duke bërë që ajo të shpejtohej përkohësisht dhe pastaj të ndalonte papritur.
“Dikush filloi të bërtiste jashtë stacionit. Ajo u tremb nga një insekt jashtë, jashtë turmës së madhe”, tha shefja ekzekutive në detyrë Rhonda Allen para bordit të MARTA-s të enjten.
Allen shpjegoi se shkallët lëvizëse kishin kaluar një inspektim disa ditë më parë, por pesha dhe lëvizja e një turme njerëzish që po largoheshin papritur bënë që ajo të shpejtohej dhe pastaj të ndalej papritur.
“Imagjinoni një grup njerëzish që thonë: ‘Dua të zbres, dua të zbres’, filluan të zbresin nga shkallët lëvizëse”, vazhdoi Allen.
Ajo tha se autoriteti i transportit në të ardhmen do të shtojë staf për të menaxhuar fluksin e pasagjerëve në shkallët lëvizëse, transmeton NBC News, përcjell KosovaPress.
