Ish-presidenti i Kosovës, Hashim Thaçi, ka qëndruar të enjten në Kosovë, ku ka vizituar babanë e tij, i cili është i shtrirë në Klinikën Interne të QKUlK-së.
Vizita e Thaçit, e para në Kosovë që nga koha kur gjendet në paraburgim, u përcjellë me vëmendje të madhe nga mediat dhe qytetarët.
Një koment rreth vizitës së tij në Kosovë, e ka bërë edhe ish-këshilltari i Thaçit, Artan Behrami.
Ai ka kritikuar se Thaçi është përcjellur nga policët evropianë, që sipas tij, kanë qenë të veshur si “hajdutë”.
“Paramendo, një vizitë humanitare, e mbikëqyrur nga policë evropianë që vijnë të veshur si paramilitarë, si hajdutë, si bandita, si huliganë. Turp për financuesit e kësaj gjykate”, ka shkruar Behrami në Facebook.
