Treni që con Interin në Europë tani është më pranë, por sfida me Chievon mund të rezultojë një kurth për zikaltërit. Roberto Mancini nuk ngurron të pranojë se i druhet kërcënimit që mund të ofrojë skuadra verdheblu.
” Është një ndeshje delikate, pasi Chievo është e qetë por në formë. Duhet të përsërisim provën që bëmë në Udine, për 65 minutat e para. Formacionin do ta vendos vetëm para ndeshjes, tani Shaqiri është shumë më mirë, Vidic është rritur fizikisht. Podolski? jam shumë i lumtur për golin, gjithmonë është stërvitur mirë pa u ankuar kurrë, por i ka munguar fati”.
Pas takimit me Chievon, Interti do të përballet me Lazion dhe Juventusin, ndaj dhe sfida me skuadrën veronese mund të konsiderohet decizive për fundin e sezonit.
” Ndeshja me Chievon do të na thotë nëse mund të shpresojmë me të vërtetë për Europën. Kalendari është shumë i vështirë , por gjithshka kalon përmes kësaj ndeshjeje.
Interi duket se ka ndryshuar drejtim pas barazimit ndaj Parmës ku u ndëshkua nga ai gol i Andi Lilës.
” Djemtë kanë punuar mirë edhe më parë, por ndoshta më pas morrën disa përgjegjësi më tepër. Nëse shikoj ndonjë lojtar që në këto ndeshjet e fundit ka tërhequr nga pas shokët më shumë se gjithë të tjerët? Jo, edhe pse është e qartë se ata më ekspertët si Palacio, Vidic, Guarin e Medel po japin një kontribut të rëndësishëm”.
Objeektivi për Interin tani është vendi i pestë në klasifikim, ndoshta shumë pak në krahasim me atë që pritej në fillim të aventurës së Mancinit në stolin zikaltër.
” Nëse do t’a mbyllnim sezonin të pestët nuk do të ishte keq, por për sa i përket pritshmërive të mija synoja tjetër gjë. Nëse ekziston rreziku që të humbasim turneun veror në Azi nëse impenjohemi në ndeshjet eleminatore? Miqësoret e verës nuk më interesojnë shumë, gjithsesi më parë të shohim se cfarë do të ndodhë në kampionat, pasi rruga është e vështirë”.
