Sot jemi në ditën e fundit të fushatës zgjedhore në vend, ku partitë politike po mbyllin fushatat e tyre masive zgjedhore. Përderisa nesër do të jetë akti final kur qytetarët me votën e tyre të lirë do të vendosin se kush do ta udhëheqë vendin në 4 vitet e ardhshme, shkruan InfoSot.
E duke e bërë një përkufizim dhe një bilanc të kësaj fushate, por edhe duke bërë një prognozë ‘hipotetike’ se si mund të duket formula e qeverisjes pas 9 shkurtit sikurse ndikimi që mund ta ketë ‘stuhia Trump’ në qeverisjen e re të Kosovës dhe dialogun me Serbinë, për InfoSot ka folur njohësi i çështjeve politike në vend dhe profesori i UP-së, sociologu Fadil Maloku.
InfoSot: Një pyetje më shumë ‘hipotetike’, cila mund të jetë sipas jush formula e qeverisjes pas 9 shkurti në Kosovë?
Fadil Maloku: Edhe përgjigja është hipotetike! Formula definitive nuk do mësohet derisa të mbaron procesi i numërimit… Mendoj, se kushdo që të fitojë e presin sfida të rënda dhe vendimarrje të dhimbshme…?!
InfoSot: Si do të ndikojë ‘stuhia Trump’ në qeverisjen e re të Kosovës dhe më vonë në dialogun e ardhshëm me Serbinë?
Fadil Maloku: Përvoja e Presidencës së mëhershme nga Donald Trump, për dallim nga kjo e sivjetme do jetë pa asnjë dyshim shumë më dinamike. Mendoj që spektri politike pozitë e qeveri, kur janë në pyetje interesat shtetërore dhe kombëtare duhet të jenë në unison (jo uniformitet!). Sepse, vetëm kështu mund t’i mbrojmë interesat tona gjeostrategjike dhe gjeopolitike. /InfoSot
LEXO EDHE:
