Deputetja e LDK-së, Hykmete Bajrami, i ka reaguar ministrit të Financave, Hekuran Murati, i cili tha se “rritja më e madhe ndonjëherë e pagave në sektorin publik ka ndodhur në Qeverinë Kurti”.
Bajrami tha se ai ka provuar të bëjë propagandë në këtë kohë të fushatës, ndërsa shtoi se rritja e pagave në sektorin publik është “6 euro e 80 centë” dhe 55 euro pasi janë shpallë zgjedhjet.
Ministri, që i ka rritë pagat në sektorin publik 6 euro e 80 cent brenda një mandati dhe 55 euro pasi janë shpallë zgjedhjet, sot paska provu prapë me propagandë. Qytetarët e dinë kujt ja ke rritë pagën 45%, nëse ka harru dikush që po ua rikujtoj: 45% Hekurani ia ka rritë pagën Albinit, vetës, zëvendëskryeministrave, ministrave, zëvendësministrave, këshilltarëve politikë, asistentëve të kabineteve dhe shoferëve të tyre”, ka shkruar ajo.
Ajo tha se derisa zyrtarëve publikë “iu ka rritë pagën 6 euro e 80 centë”, të gjithë qytetarëve ua ka dyfishuar tatimin në pronë, ua ka dyfishuar çmimin e energjisë elektrike dhe “ka këqyrë seri derisa çmimet e produkteve bazë të konsumit kanë fluturu në qiell”
“Dhe për këtë të fundit mos del me thanë se s’të ka lënë opozita e Gjykata Kushtetuese me bë diçka, sepse ju ka përgenjeshtru kryetarja e Gjykata Kushtetuese znj. Gresa Caka. Thjesht të kanë leverdisë çmimet e larta se ke marrë shumë më shumë buxhet pa i rritë normat tatimore”.
Bajrami, duke ironizuar me një këndim të ministres së Arsimit, Arbërie Nagavci, gjatë një tubimi zgjedhor, i tha Muratit “merrja këngës”.
“Ministër, Në këtë fushatë veç nëse mundeni me bë diçka me këndim e recitim se rezultate s’keni, andaj merrja këngës edhe ti sikur Arbëria se kurrë si dihet ku e keni të fshehur talentin! Zyrtarët publikë me 9 shkurt do të votojnë për Lidhjen Demokratike të Kosovës, numrin 124. Me qeverisjen e LDK-së, koeficienti i pagave do të bëhet 150 Euro”./Express/
