Një incident i frikshëm ndodhi të premten mbrëma në Magdeburg të Gjermanisë, ku një veturë hyri me shpejtësi në tregun e Krishtlindjeve dhe u përplas me turmën.
Dhjetëra persona u lënduan teksa 5 persona vdiqën, përfshirë dhe një 9-vjeçar.
Pas këtij incidenti të rëndë, krerët institucionalë dhe populli i Kosovës u solidarizua me Gjermaninë.
Lidhur me këtë ka reaguar edhe ambasadori gjerman në Kosovë, Jorn Rohde.
“Dua të falënderoj të gjithë kosovarët për mesazhet solidarizuese në dy ditët e fundit. Dhimbje e thellë për ngjarjet në Magdeburg, por edhe mirënjohje për momentet e rëndësishme dje në koncertin tonë në Gjakovë, duke na kujtuar atë që ka vërtet rëndësi: Dashuria dhe paqja, jo urrejtja dhe dhuna”, u shpreh Rohde.
