Leonard Ademaj, vëllai Liridona Ademajt kërkon nga prokuroria që të përgatitet sa më shpejt aktakuza për vrasjen e motrës së tij nga bashkshorti i saj, Naim Murseli.
Leonardi përmes një letre dërguar në T7 thotë se ‘ngritja e një aktakuzë sa më të shpejt dhe dënim maksimal që që parasheh Kodi Penal i RKS është një lehtësim për ne si familje dhe për gjithë popullin sakrifikues e dashamirës të Kosovën’.
“Sot po bëhen 1 vit që nga vrasja e Liridona Ademaj. Ne si familje jemi në kontakt të vazhdueshem me prokurorin për aq sa ata po munden të na gjejnë kohë, edhe pse ne do të kishim dashur që të takohemi më shpesh. Sidoqoftë, vrasja e Liridones ështe një ndër rastet me të rënda qe ka ndodhur vendit tonë, si për nga natyra e viktimës ashtu edhe për nga veprimet kriminale e dinake ndaj një burri kundër një nëne para fëmijëve të tyre”.
“E kuptojmë që prokuroria duhet të pergatisë aktakuzën sipas ligjit dhe në mënyre profesionale dhe për këte ka afat ende në bazë të ligjit. Por ngritja e një aktakuze sa më shpejtë dhe dënimi maksimal që parasheh Kodi Penal i RKS ështe një lehtësim për ne si familje dhe per gjithë popullin sakrifikues e dashamirës të Kosovën”.
Ai thotë se’ vrasja e Liridona Ademaj ka ndodhur në bashkëkryerje duke u planifikuar, duke u gjetur ekzekutori, duke blerë armën dhe së bashku të 3 duke organizuar dhe ekzekutuar vrasjen e gruas së bashkekryesit Naim Murseli, sipas porosisë së tij në mënyrë shumë dinake’,
“Pra, është bërë tërësisht e qartë se Naimi ka kërkuar nga Kushtrimi që t’i ndihmojë ta vrasë Liridonën duke i dhënë mbështetje në planifikim e organizim të vrasjes duke i gjetur një përson që e njeh se mund ta kryej këtë punë.”.
Ai thotë se Kushtrim Kokalla ia kishte gjetur dorasin Granit Plava si person adekuat për kryerjen e vrasjes së motrës së tij.
“Sipas planifikimit të tyre i kishin kërkuar Granitit të ekzekutonte planin, i cili në natën kritike, sipas koordinimit, Granit Plava e ekzekuton motren tonë duke e mbajtur shtrengueshëm për krahu Naimi, në veture ne prezence te dy fëmijëve të mitur. Është e paparamendueshme se si është ndjerë motra ime (e tradhëtuar dhe e pambrojtur nga përsoni që duhet ta mbronte) në atë moment kur vetura i është ndalur me dinakëri kinse si rezultat i një hajni, e ku papritur është shtrenguar për krahu nga vetë burri i saj. Krahas mungesës deri në amshim që do të kemi, kjo është gjëja që edhe ne si familje e edhe fëmijët po e vuajnë më shumë”.
Tutje ai thotë se janë në kontakt të vazhdueshëm me fëmijët e Liridonës për të cilët thotë se gjenden nën kujdesin social në Suedi.
“Fëmijët i brengosë më së shumti fakti se ishin ne veturë dhe se si babai i tyre e shtrengoj krahun e nënes e tyre në momentin kritik qe vrasja te kryhet sa me lehtë. Falenderojmë të gjithë për ngushëllimet, bashkëndjejnë e dhimbjes dhe solidarizimin me ne si familje dhe rastet e ngjajshme në Kosovë, që shpresojmë të mos përsëritën kurrë”, tha ai.
