Kreu i AAK-së, Ramush Haradinaj, ka thënë se “goditjet e Qeverisë Kurti kundër ushtrisë” janë të qëllimshme.
Ai thotë se për këtë përgjegjësia është edhe penale edhe kombëtarë.
“I mërzitur me gjendjen në të cilën Qeveria Kurti e ka sjellë Ushtrinë e Kosovës. Përvoja ime në udhëheqje dhe çështje të sigurisë më thotë se goditjet e Qeverisë Kurti kundër Ushtrisë, janë krejtësisht të qëllimshme e assesi të rastësishme. Përgjegjësia në këtë nuk është vetëm politike, por gjithashtu edhe penale e kombëtare”, ka shkruar Haradinaj.
Haradinaj ka bërë thirrje për ndërrim të Qeverisë.
“Loja me uniformën e shtetit nuk do t’i falet askujt. Ta ruajmë Ushtrinë, ta ndërrojmë Qeverinë!”.
Reagimi i Haradinajt vjen pas raportimeve se ushtarët e FSK rrezikojnë të mbesin pa ushqim dhe pas një letre që i ka drejtuar komandanti Bashkim Jashari ministrit të Mbrojtjes, Ejup Maqedonci, rreth kësaj situate.
