Përpjekjet e Jose Mourinhos për transferimin e dyshes së Real Madridit, Gareth Bale dhe Raphael Varane në Chelsea, janë refuzuar nga gjiganti spanjoll, ka bërë të ditur tabloidi britanik “The Sun”.
Lideri i Premierligës ka bërë gati ofertë prej mbi 100 milionë funtesh për transferimin e sulmuesit dhe qendërmbrojtësit të Los Blancos.
Varane ka punuar me Mourinhon në kohën kur portugezi ishte në drejtim të skuadrës nga Santiago Bernabeu.
Kurse, Bale ka përfunduar në kritika të ashpra gjatë këtij sezoni duke zgjuar spekulime se mund të largohet në verë.
Mirëpo, presidenti i Realit, Florentino Perez është i vendosur t’i mbajë ata në klub, edhe nëse trajneri Carlo Ancelotti largohet në fund të këtij sezoni.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
