Kryetar i Komunës së Ferizajt, Agim Aliu, përmes një postimi në facebook ka bërë të ditur se gjatë ditës së sotme është përuruar një pjesë e re e nënkalimit në Ferizaj.
Aliu u shprehë që veturat e bashkatdhetarëve dhe shumë bashkëqytetarëve ferizajas ishin ato që të parat shkelën këtë segment.
“Veturat e bashkatdhetarëve dhe shumë bashkëqytetarëve ferizajas ishin ato që të parat shkelën segmentin e parë të sapopëruruar të nënkalimit të ri afër Stacionit të Policisë në Ferizaj kjo si vlerësim e respekt si dhe dhuratë në këtë kohë kur po kalojnë pushimet në vendlindje.
Bashkë me ferizajas të shumtë sot, përuruam degëzimin e parë rrugor të Nënkalimit të Ri një vepër madhore e infrastrukturës rrugore, që Ferizajt i jep akoma më shumë zhvillim transformim zgjidhje e shije urbane
Ta gëzojnë ferizajasit! Urime!”, ka shkruar Aliu në postim.
