Zëdhënësi i Qeverisë së Kosovës, Arban Abrashi, duke komentuar afatin e dhënë qeverisë nga partitë opozitare, për plotësimin e kërkesave të tyre, ka thënë se Qeveria nuk bie pre e ultimatumeve.
“Qeveria nuk i pranon ultimatumet si mjet demokratik, dhe një formë e tillë është kërkesë e skaduar. Ne kemi punuar në disa prej kërkesave të tyre dhe mendoj se nuk ka vend për ultimatume dhe nuk biem pre e ultimatumeve”, tha zëdhënësi i Qeverisë, Arban Abrashi, raporton Kallxo.com.
Megjithatë, ai e vlerësoi lart kulturën e treguar sot në protestë – si nga protestuesit ashtu edhe nga organet e rendit.
Aksionet simbolike të protestuesve, të cilat ndodh te Gjykata Kushtetuese dhe te objekti i KEDS-it, ai i quajti performanca të dobëta.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
