Në kuadër të luftës kundër korrupsionit, prokuroritë në Kosovës, që nga 4 nëntori i vitit 2013 e deri me 31 mars 2015, kanë hedhur kallëzim penal ndaj 327 personave.
Koordinatorja nacionale kundër korrupsionit, prokurorja Laura Pula, përmes një komunikate, ka njoftuar se që nga 4 nëntor 2013, prej fillimit të zbatimit të Planit të veprimit për rritjen e efikasitetit të sistemit prokurorial në luftimin e korrupsionit, deri më 31 mars 2015, prokuroritë kanë pranuar në punë 647 rastet të reja, me 1319 persona.
Sipas kësaj komunikate, prokuroritë gjatë periudhës 4 nëntor 2013 deri më 31 mars 2015, kanë zgjidhur 619 raste me 1428 persona.
“Nga 4 nëntor 2013, prej fillimit të zbatimit të Planit të veprimit për rritjen e efikasitetit të sistemit prokurorial në luftimin e korrupsionit, deri më 31 mars 2015, prokuroritë kanë pranuar në punë 647 rastet të reja, me 1319 persona”.
“Prokuroritë gjatë periudhës 4 nëntor 2013 deri më 31 mars 2015 kanë zgjidhur 619 raste me 1428 persona”.
“Prokuroritë rastet ndaj 1428 personave i kanë zgjidhur në këtë mënyrë: Për 327 persona është hudhur kallëzimi penal; Për 410 persona është pushuar hetimi; Për 50 persona është ngritur aktakuzë për dhënien e urdhrit ndëshkimor; Për 92 persona është ngritur Aktakuzë e drejtpërdrejt Për 549 persona është ngritur aktakuzë pas zhvillimit të hetimeve”, thuhet në komunikatë.
Ndërkaq, parashtruesi më i madh i kallëzimeve penale për periudhën 4 nëntor 2013 deri më 31 mars 2015 është Policia e Kosovës e cila ka parashtruar 273 kallëzime penale, ndaj 580 personave, me pas vjen Agjencia Antikorrupsion e cila ka parashtruar 171 kallëzime penale, ndaj 232 personave. Gjatë kësaj periudhe, prokurorët me vetiniciativë kanë filluar hetimet për 11 raste, me 17 persona.
