Sulmuesi i Kombëtares shqiptare, Jasir Asani prej muajsh ka zbuluar se është i dashuruar dhe në një lidhje dashurie me një vajzë shqiptare.
Shpesh ai ka ndarë foto në rrjetet sociale me të dashurën e tij, por gjithmonë kujdesej të mos i tregonte imazhin, duke e mbajtur më private identitetin e vajzës që i ka rrëmbyer zemrën.
Në një postim në Instastory, futbollisti ka publikuar një foto krah vajzës që dashuron, duke zbuluar dhe imazhin e bukuroshes shqiptare.
Asani shfaqet i kapur për dore me të dashurën e tij në një foto të shkrepur në shkallët e stadiumit “Air Albania”.
Ai kishte rol të rëndësishëm në kualifikueset e Euro 2024, duke shënuar tri gola e dhuruar po aq asistime.
Shqipëria është në grup me Spanjën, Kroacinë dhe Italinë.
