Politikani serb Nikolla Sanduloviq, disa ditë më parë ishte rrahur nga ana e BIA-së( Shërbimi Informativ i Sigurisë).
Pasi këtij rasti disa ditë më vonë ai është arrestuar dhe është dënuar me paraburgim prej 30 ditësh.
Sot lidhur me këtë ka reaguar edhe avokati i tij.
Çedomir Stojkoviq, avokat i politikanit serb, Nikolla Sandulloviq, ka paralajmëruar se nëse klienti i tij nuk lirohet deri në pasditen e së hënës “do t’i çojnë gjërat në një nivel tjetër”.
Ai ka shkruar në rrjetin social X se Sanduloviq është në paraburgim vetëm pse ka vendosur lule në varrin e një vajze shqiptare.
“Sandulloviq është ende në paraburgim vetëm se ka vendosur lule mbi varrin e një vajze shqiptare. Vendimi vandalist i gjykatës në Serbi. Nëse nuk lirohet deri sot pasdite, ne do t’i çojmë gjërat në një nivel tjetër.” – ka thënë Stojkoviq.
Nikola Sandulovic @Sandulovic_N ješ jos uvek u pritvoru samo zbog toga što je položio cveće na grob albanske devojčice. Vandalski odluka suda u Srbiji.
Ukoliko do danas popodne ne bude pušten na slobodu, podićićemo stvari na viši nivo. https://t.co/je6tYPIx46
— Advokat Čedomir Stojković ☘️🇷🇸🇺🇦🌏 (@FIGHT_4_RIGHT_S) January 15, 2024
Në mesin e personave të maskuar, që e kanë rrahur, Sandulloviq ka thënë se e ka njohur Milan Radoiçiqin, politikanin serb nga veriu i Kosovës që ka marrë përgjegjësinë për sulmin e shtatorit në Banjskë të Zveçanit.
BIA dhe Prokuroria serbe kanë mohuar torturimin e Sandulloviqit.
