Kryetari i Këshillit Kombëtar të Nisma për Kosovën, Jakup Krasniqi, ka pyetur nëse vërtetë është dashur të prangoset drejtori i Urbanizimit, Liburn Aliu.
Lexoni më poshtë reagimin e plotë të Krasnqit të postuar në Facebook:
Vërtetë u deshtë të prangoset Liburni?!
Kaq shumë skandala kemi parë e dëgjuar në Prokurorinë e Kosovës dhe rreth saj dhe nuk kemi parë asnjë veprim te shtetit të se drejtës.
Të njëjtin shtet të se “drejtës” e pamë të veproj ndaj Drejtorit te Urbanizimit në Komunën e Prishtinës, zotit Liburn Aliu. Që 15 vjet, krimi i organizuar në industrinë e ndërtimit ka vepruar pa asnjë pengesë, posa ky krim i organizuar filloj të vihej nën zap me kontributin e Liburn Aliut. Ky krim i dominuar nga partitë e koalicionit në Prishtinë, e krijuan rastin për ta prangosur Drejtorin e Urbanizmit- Liburn Aliun.
Unë besoj në pafajsinë e Liburnit.
