Bukuroshja nga Prizreni, Dea Grosha u kurorëzua si ikona e Bukurisë Shqiptare në Botë.
Në këtë eveniment garuan 28 vajza finaliste, nga mbi 1 mijë e 500 konkurrente që aplikuan nga Kosova, Shqipëria, Mali i Zi, Maqedonia dhe Diaspora shqiptare për të qenë pjesë e garës për ikonën e bukurisë shqiptare në botë.
Përveç shumë çmimeve të tjera që u ndanë në këtë eveniment madhështor, çmimi kryesore si “Më e bukura Shqiptare në Botë” me vota unanime të jurisë, u zgjodh bukuroshja Dea Grosha e cila do të përfaqësoi bukurinë shqiptare në shumë kompeticione bukurie nëpër botë.
Përveç kurorës magjike me shqiponjën dykrenare të stolisur me Gurë Diamond vendi i parë përfitoi dhe një bursë të plotë studimi në Kolegjin Rezonanca, në vlerë prej 3 mijë euro dhe shumë dhurata të tjera.
Dea u kurorëzua nga Presidenti dhe organizatori i Miss Shqiptarja në Botë, Ilir Geci .
Geci pas ndarjes së çmimit falenderoi të gjithë ata që kontribuan që ky spektakël të jetë eventi më madhështor i modës në Botën Shqiptare.
Përveç vendit të parë u zgjodhën dhe dy shoqërueset e Missit ku vendin e dytë si Shoqëruesja e Parë e mori Bukuroshja nga Gjilani, Alketa Rrahmani dhe vendin e tretë si Shoqëruesja e Dytë e Miss Shqiptarja në Botë u zgjodh bukuroshja nga Prishtina, Beteja Rizaj.
Ky ishte edicioni i pestë i këtij eveti madhështor, i cili mbanë vulën e liderit të spektakleve të modës dhe bukurisë në nivel ndërkombëtarë, Gecjan Fashion Group.
