Zaida duket se është një nga ato të shumtat femra në Shqipëri, që dashuria e madhe e ka bërë të bjerë preh e dhunës.
Ajo tregon se ka qenë e martuar për tetë vite më bashkëshortin e saj të parë, nga ku ka dhe dy fëmijët e mëdhenj. “Nuk munda më të jetoja dhe rrisja fëmijët mes dhunës. Ndaj vendosa. Mora fëmijët dhe ika tek prindit e mi” tregon ajo.
“Dhuna që është ushtruar mbi mua në tetë vite, ka qenë e pashpjegueshme. Im shoq më rrihte dhe më nxirrte në rrugë në mes të natës. Jam rrahur shumë pas humbjes së fëmijës së parë dhe pas lindjes së vajzës. Ai nuk donte vajzë dhe pas lindjes së saj ka vënë dorë dhe mbi të. Unë e kam humbur arsyen disa herë, derisa kam marrë sëpatën që ta vras tim shoq. Por nuk e kreva asnjëherë si akt. Mora guximin dhe ika me fëmijët në Delvinë tek prindërit e mi” rrëfen Zaida.
“Pa mundësia ekonomike më bën të drejtohem në Greqi ku njoha dhe bashkëshortin tim të dytë nga ku lindi dhe djali i vogël” rrëfen më tej Zaida.
Njohja me bashkëshortin e dytë në fillimet e saj, ishte gjëja më e bukur që mund t’i vinte pas zhgënjimit të saj të parë. Por ky ishte zhgënjimi i saj më i madh.
