Sipas UNICEF-it 74 fëmijë kanë humbur jetën dhe 44 të tjerë kanë mbetur të gjymtuar në Jemen që nga fillimi i operacionit të udhëhequr nga Arabia Saudite.
Fondi i Emergjencës i Kombeve të Bashkuara për Fëmijët (UNICEF), njoftoi se nga fillimi i sulmeve me 26 mars e deri tanë të operacionit “Stuhia e Vendosmërisë” të ndërmarrë nën udhëheqjen e Arabisë Saudite kanë humbur jetën të paktën 74 fëmijë, ndërsa 44 fëmijë kanë ngelur të gjymtuar.
Në një deklaratë me shkrim lëshuar nga UNICEF theksohet se intensifikimi i konflikteve në Jemen është bërë shkak për largimin e fëmijëve nga vendi i tyre, dhe gjithashtu për humbjen e jetëve të tyre dhe të afërmeve të tyre.
Në deklaratën theksohet se shifra e përcaktuar për numrin e fëmijëve të vrarë në Jemen parashikohet të jetë akoma edhe më e lartë. Komunikata citon gjithashtu edhe përfaqësuesin e UNICEF në Jemen, Julien Harneis, ku ai ka thënë se “Fëmijët në Jemen po vriten, po gjymtohen dhe janë të detyruar të largohen nga shtëpitë dhe shkollat e tyre. Fëmijët po paguajnë çmimin e papranueshëm të këtij konflikti. Të gjitha palët në këtë konflikt duhet të tregojnë respekt për jetën e këtyre fëmijëve dhe duhet të respektojnë të drejtën humanitare (njerëzore) ndërkombëtare.
Në deklaratë gjithashtu theksohet se mbi 100 mijë persona për shkak të konflikteve kanë qenë të detyruar të largohen nga shtëpitë e tyre, ndërsa spitalet dhe institucionet shëndetësore po përballen me pamjatueshmërinë për të përballuar fluksin e të plagosurve dhe gjithashtu theksohet se janë vrarë edhe 3 punonjës së shëndetësisë.
Pas kërkesës së Presidentit Hadi drejtuar Lidhjes Arabe dhe bashkësisë ndërkombëtare për “ndërhyrje të menjëhershme ushtarake” kundër Huthive, më 26 mars koalicioni i udhëhequr nga Arabia Saudite filloi operacionin e sulmeve ajrore të quajtur “Stuhia e Vendosmërisë”.
