Drejtori ekzekutiv i IKD, Ehat Miftaraj, ironizon me Lëvizjen Vetëvendosje duke i’u sugjeruar që ta bëjnë një ligj të ri me të cilin i ndalin Sindikatat dhe grevat e punëtorëve që sipas tij vetëm kështu nuk kanë problem në qeverisjen e Kosovës

Drejtori ekzekutiv i Institutit të Kosovës për Drejtësi (IKD), Ehat Miftaraj, ka ironizuar me Lëvizjen Vetëvendosje(VV) duke thënë se Qeveria Kurt duhet ta formojë një ligj me të cilin i shpallë të kundërligjshme sindikatat dhe grevat e punëtorëve.

Më tej ai ka vazhduar ironinë duke thënë se vetëm në këtë Qeveri nuk ka probleme.

“Pa sindikata, pa grevë, pa probleme!. Lëvizja Vetëvendosje me mirë do ishte të filloj hartimin e legjislacionit për ti shpallur të kundërligjshme sindikatat dhe grevat e punëtoreve”, ka thënë Miftaraj.

“Rrënoftë klasa punëtore në Kinë, Indi dhe anë e kënd botës, përjashto Kosovën”, ka përfunduar ai.

Ndërsa minatorët e Stantergut janë duke e vazhduar ditën e gjatë të grevës, e sikurse ditët që po shkojnë pa një përgjigje nga organet kompetente edhe numri i grevistëve që kanë nevojë për trajtim mjekësor sot po rritet.