SKOCI – Një tragjedi e rëndë ka qenë për një çift të ri udhëtimi me helikopter privat për të surprizuar familiarët për Pashkë. David and Dr Margaret-Ann Rous dy të rinj të martuar rreth një vit më parë kishin vendosur që Pashkët ti kslonin me familien e Rous. Për të shkuar atje ata kishin zgjedhur të merrnin me qera një helikopter privat, në këtë mënyrë ata do të surprizonin nënën dhe motrën e Rous.
Teksa ata udhëtonin nga Dundee për në Tiree të Skocisë, ku Ann Rous ishte rritur, helikopteri i tyre privat u përplas në një nga kodrat e asaj zone.
Ata e humbën kontaktin me radarët të shtunën rreth orës 01:50, kohë në të cilën u mësua se helikopteri me të cilin ata udhëtonin u rrëzuar. Ndërsa, trupat e tyre u gjetën të vdekur rreth orës 08:00.
Dr. Rous ishte 37 vjeç, kishte studiuar për mjekësi dhe e ushtronte këtë profesion që prej shumë vitesh. Ajo ishte martuar një vit më parë me bashkëshortin e saj 28 vjeçarë dhe jetonin sëbashku në shtëpinë e tyre në Dundee. Ata kishin planifikuar të zgjeronin familien e tyre duke sjellë në jetë fëmijë, ëndërr të cilën nuk e realizuan dot.
Miq të tyre mjekë, thonë se ata ishin një çift i përsosur dhe se humbjen e tyre përveç familiarëve, do ta vuajnë shumë edhe ata.
Dr. John Holliday një nga miqtë e Rous shprehet se e ka njohur atë që në vitin 1980 dhe ajo ishte një grua që mahniste këdo që e takonte. “Ajo ishte një mjeke mjaft e zonja dhe grua shumë e përkushtuar në familia”, shprehet Dr. Holliday.
