Kryeministri i Izraelit, Benjamin Netanyahu, ka thënë se vendi po hyn në një “luftë të gjatë dhe të vështirë” pas një sulmi të befasishëm nga militantët palestinezë nga Rripi i Gazës.
Ky sulm çoi në qindra vdekje, kapjen e dhjetëra pengjeve izraelite dhe ngjalli frikën e një përshkallëzimi rajonal.
Të dielën në mëngjes, derisa izraelitët përpiqeshin të kuptonin shkallën e sulmit të një dite më parë, u shfaq mundësia e një pushtimi tokësor në Gaza dhe një përplasje më e gjerë me Hezbollahun në Liban.
Grupi i armatosur i mbështetur nga Irani, Hezbollah, tha se kishte gjuajtur raketa dhe artileri në veri të Izraelit “në solidaritet” me popullin palestinez.
