Rikthimi i reshjeve në disa qarqe të Shqipërisë ka larguar pushuesit nga plazhi.
Sot në bregdetin e Vlorës gjen pak pushues të cilët pavarësisht përkeqësimit të kushteve, po sfidojnë motin dhe po vijojnë pushimet e tyre në bregdetin e Jonit.
Reshjet ishin më me intensitet në orët e para të mëngjesit duke sjellë edhe dëmtim të shezlongëve në plazh.
Instituti i Gjeoshkencave ka paralajmëruar për përmbytje në disa qytete si Lezha, Shkodra, Durrësi, Tirana, Vlora dhe Fieri.
