Zgjerimi i NATO-s i dërgon një mesazh shumë të qartë presidentit rus Vladimir Putin se pushtimi i Moskës në Ukrainë ishte një gabim i madh, tha Sekretari i Përgjithshëm i NATO-s, Jens Stoltenberg në deklaratat hapëse në samitin e sotëm.
Udhëheqësit e vendeve të NATO’s kanë bërë presion për rrugën e Ukrainës drejt anëtarësimit të ardhshëm në aleancë, edhe pse Rusia shpresonte të përjashtonte perspektivën.
“Kjo i dërgon një mesazh shumë të qartë Rusisë, Presidentit Putin, se dera e NATO-s mbetet e hapur”, tha Stoltenberg të martën, shkruan NBC News.
“Ai hyri në luftë sepse donte më pak NATO. Ai po merr më shumë NATO”.
Ukraina po kërkon garanci sigurie dhe garanci për një rrugë drejt aleancës, e cila është rritur duke përfshirë Finlandën që nga shpërthimi i luftës.
Një vendim i papritur nga Turqia në prag të samitit hapi rrugën për anëtarësimin e Suedisë.
Përparimi “tregon gjithashtu se lufta agresioni e Presidentit Putin kundër Ukrainës ishte një gabim i madh strategjik”, tha Stoltenberg.
