Kryetari i Partisë Demokratike të Kosovës, Memli Krasniqi ka kërkuar shpalljen e zgjedhjeve të parakohshme, sepse Kuvendi i Kosovës është jofunksional, raporton Ekonomia Online.
Kreu i PDK-së në seancën e Kuvendit të Kosovës, tha se kjo legjislaturë nuk është në gjendje më të kaloj asgjë.
“Kjo legjislaturë më nuk është në gjendje që të funksionoj normalisht. Prandaj, të mblidhemi, të merremi vesh dhe ta shpërndajmë këtë Kuvend. T’ua kthejmë mandatin qytetarëve dhe le të vendosin ata për rrugën që duhet ta ndjekë Kosova, sepse, kjo rrugë e konfrontimit dhe theqafjes, në të cilën e keni futur ju, nuk është arsyeja pse ata ju kanë votuar. Kosova ka nevojë për zgjedhje të reja, sa më shpejtë!”, theksoi Krasniqi.
