Ministria e Industrisë, Ndërmarrësisë dhe Tregtisë (MINT) përmes Agjencisë për Investime dhe Përkrahjen e Ndërmarrjeve në Kosovë (KIESA) fton bizneset që të aplikojnë për përkrahje financiare përmes shpalljes së thirrjes publike për subvencionim për blerjen e makinerive prodhuese dhe përpunuese.
Sipas njoftimit, përkrahja financiare kap vlerën totale prej 1 milion euro dhe është i ndarë në tri llote.
Afati për dorëzimin e aplikacionit dhe dokumenteve përcjellëse është deri me datën 29 qershor 2023.
“Lloti 1 – ndërmarrjet mikro (të punësuar deri në 9 punëtorë). Buxheti total për kategorinë e ndërmarrjeve mikro është 400 mijë euro. Lloti 2 – ndërmarrjet e vogla (të punësuar 10 deri në 49 punëtorë), ku buxheti është 400 mijë euro dhe lloti 3 – ndërmarrjet e mesme (të punësuar 50 deri në 249 punëtorë), me një buxhet prej 200 mijë euro”, thuhet në njoftimin e MINT.
Po ashtu, në këtë thirrje thuhet se një ndërmarrje mikro, me të punësuar deri në 9 punëtorë, mund të përfitojë vlerën maksimale deri 20 mijë euro.
Ndërmarrjet e vogla, me të punësuar deri 49 punëtorë, mund të përfitojë vlerën maksimale deri 35 mijë euro dhe ndërmarrjet e mesme deri 249 punëtorë, mund të përfitojë vlerën maksimale deri 50 mijë euro.
Njoftimi për thirrje publike, udhëzuesit dhe mënyra e aplikimit janë të publikuara në ueb-faqen e MINT-it dhe të KIESA-së.
Informata shtesë mund të merren përmes e-mail adresës: [email protected] jo më vonë se pesë ditë para mbylljes së thirrjes publike.
Aplikimi bëhet përmes e-mail adresës: [email protected].
✅Për të gjitha procedurat e aplikimit dhe dokumentacionin e nevojshëm, MINT/KIESA ka përgatitur udhëzues për aplikantët të cilët do t’i gjeni në linkun:
https://mint.rks-gov.net/page.aspx?id=1,107
https://kiesa.rks-gov.net/page.aspx?id=1,134,699
ndërsa për të aplikuar dërgoni dokumentet në formatin PDF në këtë email adresë:
[email protected]
Thirrja për aplikim është e hapur deri më 29.06.2023.
✅Gjithmonë pranë bizneseve tona!
