Nënkryetari i Kuvendit të Kosovës, Enver Hoxhaj, ka reaguar ndaj situatës se sotme të krijuar në veri, duke thënë se bashkësia ndërkombëtare duhet ta mbajë përgjegjës Vuçiqin, i cili, sipas tij, qëndron pas kësaj dhune.
Ish-ministri i Jashtëm përmes një statusi në rrjetin social Twitter, ka thënë se sot ishte një ditë e vështirë për Kosovën.
“Sot ishte një ditë e vështirë për Kosovën. I dënoj fuqishëm sulmet ndaj KFOR-it, Policisë së Kosovës dhe gazetarëve nga grupet radikale në veri, të kontrolluara nga Beogradi.”, ka shkruar Hoxhaj.
Ai tutje thotë se bashkësia ndërkombëtare duhet ta mbajë përgjegjës Vuçiqin, i cili, sipas tij, qëndron pas kësaj dhune.
“Kosova duhet të koordinohet me SHBA dhe BE!”, ka shkruar Hoxhaj.
Today was a difficult day for 🇽🇰. I strongly condemn the attacks on @NATO_KFOR, Kosovo Police & Journalists by radical groups in the north controlled by Belgrade. The int. community must hold Vucic responsible, who is behind this violence. Kosovo needs to coordinate w/ US & EU! pic.twitter.com/Oxf1HRGUC8
— Enver Hoxhaj (@Enver_Hoxhaj) May 29, 2023
