Presidenti i Serbisë, Aleksandar Vuçiq, pritet që të vizitojë njësitë ndërmjet Kralevës dhe Rashkës, ku do të takohet me përfaqësuesit e serbëve nga Kosova.
Ai, takimin me përfaqësuesit e serbëve nga veriu i Kosovës, pritet ta bëjë bashkë me ministrin e Mbrojtjes së Serbisë, Millosh Vuçeviq, ambasadorin e Serbisë në ShBA, Marko Gjuriq, dhe drejtorin e Zyrës Serbe për Kosovë në qeverinë serbe, Petar Petkoviq.
Takimi, siç shkruan Kosovo-online, do të mbahet në kazermën ushtarake në Rashkë dhe se bisedimet pritet të zgjasin deri para mëngjesit.
Kujtojmë se sot është dita e 18-të ku grupe kriminale kanë bllokuar rrugët në veri të Kosovës.
