Analisti politik, Albinot Maloku, i ka reaguar ish-kryediplomatit Skender Hyseni, i cili e krahasoi presidenten Vjosa Osmani me liderin komunist Enver Hoxha e kryekriminelin Sllobodan Millosheviq.
Maloku e ka quajtur Hysenin shfrytëzues të posteve ministrore dhe i dështuar politikisht.
Me këtë rast, Maloku ka kërkuar nga LDK-ja që të distancohet nga deklaratat e Hysenit.
Postimi i plotë i tij:Çka janë more këto kritika të yshtyera nga urrejtja? Skender Hyseni njëri nga shfrytëzuesit e gjitha rasteve të ofruara nga LDK, ministër i dështuar në të gjitha aspektet, krahason presidentën e Kosovës, Vjosa Osmani, me kasapin e Ballkanit. Ngjashmërit që po i gjejnë dështakët e dëshpruar të politikës në Kosovës me drejtuesit aktual të vendit me kasapin Millosheviq dhe regjimin e tij, duhet sanksionuar me ligj. E turpshme që të bëhën këto krahasime të bazuara nga urrejtja e assesi nga racionaliteti i të kuptuarit të kritikës. LDK duhet të distancohet nga deklarimet e ish-kryediplomatit Hyseni. Mos kryerjeve të detyrave e obligimeve kushtetuese që i ka shefja e shtetit, nuk kundërshtohen e kritikohen me urrejtje që për tendencë ka të përfituarit nga të gjitha rastet për të dëmtuar tjetrin.
