Para objektit të Qeverisë së Kosovës është duke u mbajtur protesta e dytë lidhur me rastin e dhunimit të një 11-vjeçareje në Prishtinë.
Protesta e sotme është duke u mbajtur pasi që sipas organeve të drejtësisë, 11-vjeçarja ishte dhunuar nga pesë persona edhe në qershor të këtij viti, por se ky rast është duke u konsideruar se është neglizhuar nga Prokuroria e Shtetit.
Policia e Kosovës fillimisht ka arrestuar pesë persona që dyshohet se në muajin gusht kanë dhunuar 11-vjeçaren, ndërsa më vonë është bërë e ditur se e mitura ishte viktimë e dhunimit seksual edhe në qershor të këtij viti nga gjashtë persona të tjerë.
Protestuesit kanë kërkuar reagim ndaj sistemit patriarkal në sistemin e drejtësisë.
Pjesëmarrësit kanë kërkuar nga shteti që të japë përgjegjësi për viktimat e dhunës seksuale.
