Trajneri i Kombëtarës së Kosovës Alain Giresse, e ka publikuar listën e futbollistëve për ndeshjet e qershorit.
Dardanët në muajin qershor do t’i luajnë tri ndeshje në kuadër të Ligës së Kombeve.
Ekipi i Giresse bën pjesë në grupin e 2-të të Ligës C së bashku me Qipron, Greqinë dhe Irlandën e Veriut.
Ndeshja e parë do të luhet më 2 qershor kundër Qipros, më 5 qershor kundër Greqisë në Prishtinë, po në Prishtinë ndeshjen do ta ketë edhe kundër Irlandës së Veriut, më 9 qershor.
E ndeshjen e kthimit kundër Greqisë, Kosova do ta zhvillojë më 12 qershor.
