Dr. Erhard Busek – Vizekanzler a.D. am Rednerpult
Ish-zëvendëskancelari i Austrisë dhe njëri ndër miqtë më të mëdhenj të Kosovës, Erhard Busek, ka vdekur sot në moshën 81-vjeçare.
Ai vizitën e tij të parë në Kosovë e pati në vitin 1987, ku edhe zhvilloi takime me fytyra të politikës në atë kohë.
Busek ishte personi i parë që e mundësoi pranimin e studentëve kosovarë në universitetet e Austrisë, në periudhën kur Slobodan Millosheviqi e kishte mbyllur Universitetin e Prishtinës.
I ndjeri çdo herë kishte lobuar dhe e kishte mbështetur luftën e Kosovës për liri dhe pavarësi.
Në vitin 2009, Erhard Busek kishte marrë titullin Doktor Honoris Causa nga Universiteti i Prishtinës “Hasan Prishtina”.
Në kohën kur shërbeu si ministër i Arsimit të Austrisë ai kishte pranuar për vizitë studentë nga Kosova.
Erhard Busek, ishte edhe koordinatori i Paktit të Stabilitetit për Evropën Juglindore që ekzistonte nga vitit 1999. Ky institucion kishte për detyrë përpjekjet ndërkombëtare për të ndihmuar këtë rajon. Vendet që ishin përfshirë në programin e ndihmave të Paktit të Stabilitetit ishin: Kosova, Shqipëria, Bosnje Hercegovina, Bullgaria, Kroacia, Maqedonia, Moldavia, Rumania, Serbia dhe Mali i Zi.
