Ministria e Mjedisit, Planifikimit Hapësinor dhe Infrastrukturës ka bërë të ditur se janë angazhuar ekipet për pastrimin e borës në rrugët regjionale, nacionale dhe autoudhë.
Kjo është bërë e ditur nga Hysen Durmishi nga kjo ministri, i cili përmes një postimi në Facebook ka bërë të ditur se pas reshjeve të borës në vendin tonë, kompanitë e mirëmbajtjes verore dhe dimrore të kontraktuara nga MMPHI, janë angazhuar për pastrimin e borës.
Postimi i plotë:
Të dashur qytetarë
Me të filluar reshjet e borës në vendin tonë, kompanitë e mirëmbajtjes verore dhe dimrore të kontraktuara nga MMPHI, kanë dalë në teren për pastrimin e borës në rrugët regjionale, nacionale dhe autoudhë.
Ju lutemi që përgjatë kësaj kohe të vozisni me kujdesë të shtuar.
