Shumë prej qytetarëve të cilët kishin lënë termin për t’u vaksinuar ditën e sotme, nuk do të mund ta bëjnë këtë.
Kjo për shkak se Ministria e Shëndetësisë ka njoftuar se për arsye të festës së Kurban Bajramit, qytetarët të cilët kanë pasur termin për sot do të mund të vaksinohen nesër, ditë e mërkurë.
“Ministria e Shëndetësisë i informon qytetarët të cilët i kanë pasur terminet për marrjen e dozës së dytë të vaksinës kundër COVID-19 me datën 20 korrik, se terminet e tyre shtyhen për një ditë më vonë, për datën 21 korrik, për shkak të festës së Bajramit. Pra, qytetarët që kanë pasur termine për ditën e martë, dozat e dyta të vaksinave do t’i marrin ditën e mërkurë, sipas intervaleve kohore të përcaktuara në terminet e tyre dhe në të njëjtat Qendra të vaksinimit ku i kanë marrë edhe dozat e para”, thuhet në njoftim.
Përpos kësaj, Ministria e Shëndetësisë u ka bërë thirrje qytetarëve të moshave të reja nga 18 vjeç e lartë të aplikojnë për t’u vaksinuar me vaksinën antiCOVID.
