Një person ka vdekur në Qendrën Klinike Universitare të Kosovës (QKUK), pasi u dërgua aty për trajtim mjekësor, shkruan Gazeta Metro.
Gjatë ditës së djeshme një burrë ishte dërguar në QKUK, pasi i ishte përkeqësuar gjendja shëndetësore.Pas denoncimit në polici nga familjarët e viktimës, është duke u hetuar vdekja e tij.Njësitet policore kanë dalë në vendin e ngjarjes, dhe janë duke hetuar rastin, ndërsa trupi i pajetë i viktimës, me vendim të prokurorit është dërguar në IML për obduksion.
“Është raportuar se viktima mashkull kosovar i cili për shkak të përkeqësimit të gjendjes shëndetësore, ishte dërguar nga familjarët e tij në QKUK, ka ndërruar jetë. Njësitet policore kanë dalë në vendin e ngjarjes, dhe janë duke hetuar rastin, ndërsa trupi i pajetë i viktimës, me vendim të prokurorit është dërguar në IML për obduksion”, thuhet në raportin policor.
