Kryetari i Nismës Socialdemokrate, Fatmir Limaj ka bërë homazhe në kompleksin e dëshmorëve të Zonës Operative të Llapit.

“Kontributi dhe sakrifica për atdhe i kësaj krahine, që në vazhdimësi ka nxjerrë trima e trimëresha që kanë dhënë jetën për Kosovën janë bazë e fortë e themeleve të shtetndërtimit të Republikës sonë”, ka shkruar ndër të tjera Limaj.

Postimi i plotë:

Është nder dhe krenari qëndrimi në shtëpinë e Ushtrisë Çlirimtare të Kosovës, në Podujevën e Zahirit, Afrimit, Fahriut, Bahriut, Hakifit, Hyzriut, Bedriut, Ilirit, Aliut dhe shumë dëshmorëve të Zonës Operative të Llapit.

Kontributi dhe sakrifica për atdhe i kësaj krahine, që në vazhdimësi ka nxjerrë trima e trimëresha që kanë dhënë jetën për Kosovën janë bazë e fortë e themeleve të shtetndërtimit të Republikës sonë.

Lavdi jetës dhe veprës së gjithë dëshmorëve të kombit!/blc/