Hilaria Baldwin, drejtuese televizive dhe gruaja e aktorit Alec Baldwin, u është përgjigjur akuzave se ajo ka mashtruar publikun për origjinën e saj spanjolle.
Baldwin, një instruktore e njohur e jogës, është akuzuar në rrjetet sociale se ka mashtruar për shkak të theksit të saj spanjoll.
Në një përgjigje të postuar në Instagram, Baldwin tha se ajo ishte lindur në Boston por ishte rritur pjesërisht në Spanjë.
Sidoqoftë, në biografinë e menaxhmentit të saj thuhet se ajo u lind në ishullin spanjoll Mallorca.
Ajo gjithashtu pohoi më parë në një intervistë se nuk u zhvendos në Shtetet e Bashkuara derisa ishte 19-vjeç për të ndjekur universitetin në Nju Jork.
“Unë kam parë bisedat në internet duke vënë në dyshim identitetin dhe kulturën time. Kjo është diçka që unë e marr shumë seriozisht dhe për ata që po pyesin – unë do të përsëris historinë time, siç kam bërë shumë herë më parë. Unë jam lindur në Boston dhe jam rritur duke kaluar kohë me familjen time midis Masaçusetsit dhe Spanjës. Prindërit dhe vëllezërit e motrat e mi jetojnë në Spanjë dhe unë zgjodha të jetoj këtu, në SHBA. Ne festojmë të dy kulturat në shtëpinë tonë – Alec dhe unë po rritim fëmijët tanë dygjuhësh, ashtu si unë u rrita”, ka shkruar Baldwin.
Dyshimet filluan të rriteshin në mediat sociale ndërsa njerëzit që pretendonin të ishin ish-shokë klase të Baldwin në Boston kundërshtuan theksin e saj spanjoll.
“Unë shkova në shkollë të mesme me të. Ajo ishte krejt e këndshme dhe serioze në lidhje me vallëzimin në salla. Emri i saj ishte me të vërtetë Hillary Hayward-Thomas dhe ajo nuk e kishte theksin e saj aktual”, shkruan një komentues.
Një video e Baldwin duke pyetur se si i thonë trangullit në gjuhën angleze është shpërndarë gjerësisht. Por Ireland Baldwin ka dalë në mbrojtje të njerkës së saj.
“Është kaq patetike që çdokush dëshiron të zhytet në jetën e dikujt për të cilin nuk di asgjë si u rrit dhe nga kush u rrit në të vërtetë”, ka shkruar ajo në Instagram.
