Saavedra: Grenelli do ta lë postin e ambasadorit amerikan në Gjermani
04 March 2020 09:12
Gazetari i Daily Wire, Ryan Saavedra, ka bërë të ditur një lajm, të cilin e ka quajtur ekskluziv, duke njoftuar se ambasadori amerikan në Berlin, Richard Grenell, do ta lë këtë post.
Ushtruesi i Detyrës i Drejtorit të Inteligjencës Kombëtare Richard Grenell ka njoftuar Shtëpinë e Bardhë se ai do të japë dorëheqjen nga roli i tij si Ambasador i SHBA-së në Gjermani pasi republikani John Ratcliffe të konfirmohet nga Senati në këtë pozitë, transmeton Koha.net.
Grenelli, sipas DW, njoftoi Shtëpinë e Bardhë për vendimin e tij pasi Presidenti Donald Trump tha se Ratcliffe do të ishte Drejtori i ardhshëm i Inteligjencës Kombëtare.
Kjo i bie se Grenelli do të jetë vetëm emisar për dialogun Kosovë – Serbi.
“Ushtruesi i detyrës së drejtorit të Inteligjencës Kombëtare, Richard Grenell, e ka njoftuar Shtëpinë e Bardhë se ai do të japë dorëheqje nga pozita e ambasadorit amerikan në Gjermani sapo John Ratcliffe të konfirmohet nga Senati në këtë pozitë”, ka shkruar Saavedra.
Këtë e ka publikuar edhe djali i Trumpit, Donald trump Jr, duke shkruar “Ashtu siç edhe pritej, Faleminderit për gjithçka që bëre Richard Grenell”.
As expected. Thanks for all you do @RichardGrenell https://t.co/HYe35SyH4H
